Razılaşmasalar, təzyiq davam edəcək – ABŞ-dən İrana sərt mesaj
ABŞ vitse-prezidenti Ceyms Devid Vens İranla danışıqların davam etdiyini bildirib.
Crossmedia.az “Fox News” telekanalına istinadən xəbər verir ki, Vens Vaşinqtonun Hörmüz boğazı vasitəsilə neft və qaz tədarükünün həcmini artırmağa çalışdığını deyib.
“Biz sadəcə bu münaqişədən ehtiyac duyduğumuz nəticəni əldə etməyə çalışırıq. Biz onların nüvə proqramını məhv etdik, adi silahlı qüvvələrini məhv etdik, asimmetrik hərbi imkanlarını əhəmiyyətli dərəcədə azaltdıq”, – deyə Vens bildirib.
O qeyd edib ki, ABŞ hazırda İranın münasibətləri yaxşılaşdırmaq üçün uzunmüddətli dəyişikliklərə hazır olub-olmadığını müəyyənləşdirməyə çalışır.
Vensin sözlərinə görə, Tehran razılaşmasa belə, Vaşinqton təzyiq siyasətini davam etdirəcək və amerikalılar üçün enerji qiymətlərini aşağı salmaq məqsədilə Yaxın Şərqdən daha çox neft və qaz tədarükünə çalışacaq.
19:50 08.08.2026
Oxunuş sayı: 47
