Xarici xəbərlər

İran şərt qoydu: ABŞ şərtlərimizi qəbul etsə, boğaz açılacaq

İran Hörmüz boğazının açılmasının Vaşinqtonun Tehranın irəli sürdüyü şərtləri qəbul etməsindən asılı olduğunu açıqlayıb.

Crossmedia.az “Tasnim” agentliyinə istinadən xəbər verir ki, bunu İran İslam İnqilabı Keşikçiləri Korpusunun (SEPAH) nümayəndəsi general Hüseyn Möhibbi bildirib.

Onun sözlərinə görə, Hörmüz boğazı yalnız iqtisadi marşrut deyil, həm də İranın müdafiə və suveren siyasəti çərçivəsində istifadə etdiyi mühüm geosiyasi imkanlardan biridir.

General qeyd edib ki, boğazın nə vaxt və hansı formada açılacağı birbaşa ABŞ-nin İranın şərtlərini hansı səviyyədə qəbul etməsindən asılıdır.

Möhibbi ABŞ-ni İranın Oman və digər regional ölkələrlə apardığı danışıqlara müdaxilə etməməyə çağırıb. O bildirib ki, bu danışıqlar yekun mərhələyə yaxınlaşır.

“ABŞ İran İslam Respublikasının şərtlərini qəbul etdiyi və müdaxiləçi yanaşmasından imtina etdiyi təqdirdə, Hörmüz boğazının açılması üçün şərait yaranacaq”, – deyə SEPAH nümayəndəsi bildirib.

🖨 Çap et

17:57 08.08.2026

Oxunuş sayı: 58