Baş redaktorla debatdan imtina etdiyi deyilən komitə sədri: Elə bir adam tapsınlar ki...
Elm sahəsində akademik müzakirələr əksər hallarda inkişafa aparır. Belə olmadıqda isə, ən azından araşdırmağa, tədqiq etməyə, öyrənməyə sövq edir. Bu gün isə sosial şəbəkələri zəbt edən mövzulardan biri də Aznews.az saytının baş redaktoru Taleh Şahsuvarlının Milli Məclisin İctimai birliklər və Dini qurumlar komitəsinin sədri Fazil Mustafa ilə debat məsələsidir. Taleh Şahsuvarlı Şah İsmayıl irsi ilə bağlı Fazil Mustafanı debata çağırdığını, lakin millət vəkilinin bundan boyun qaçırdığını öz sosial şəbəkə hesabında qeyd edib.
Crossmedia.az olaraq sözügedən məsələ ilə əlaqədar olaraq Milli Məclisin deputatı Fazil Mustafanın fikirlərini öyrəndik:
"Məni heç kim debata çağırmayıb. Çağırsalar da, elə bir adam tapsınlar ki, o şəxs bilgə olsun. Mən də onu müəyyən edəndən sonra, məmnuniyyətlə razılaşaram. Lakin həvəskar insanlarla debata çıxmağı nəzərdə tutmuram, çünki yazı yaza bilən şəxslər, kitablarda, məqalələrdə öz fikirlərini daha yaxşı ifadə edirlər. Mən bu barədə rəsmi Feysbuk səhifəmdə ətraflı şəkildə yazmışam".
Turqut Ansari
21:00 07.08.2026
Oxunuş sayı: 47
