Xarici xəbərlər

İran və Oman Hörmüz boğazında gəmilərin hərəkəti barədə razılaşdı

İran və Oman Hörmüz boğazından gəmilərin təhlükəsiz hərəkətinin təmin olunması ilə bağlı razılığın ümumi çərçivəsini müəyyən ediblər.

Crossmedia.az xəbər verir ki, "IRNA" bu barədə İran parlamentinin Milli Təhlükəsizlik Komitəsinin nümayəndəsinə istinadən məlumat yayıb.

Məlumata görə, tərəflər arasında əldə olunan razılaşmanın yekun mətni və detalları yaxın vaxtlarda açıqlanacaq.

İran Xarici İşlər Nazirliyi daha əvvəl Tehran və Maskatın Hörmüz boğazından keçid üçün yeni marşrutun koordinatları barədə razılığa gəldiyini və birgə bəyanat hazırladığını bildirib.

Qeyd olunub ki, tərəflər arasında mümkün razılaşma su yolunda təhlükəsizliyin tam təmin olunmasına zəmanət vermir. Buna səbəb kimi ABŞ-nin bölgədə qeyri-sabitlik yarada biləcək addımlar atmaq ehtimalı göstərilib.

Bundan əvvəl "Əl-Ərəbiyyə" telekanalı mənbələrə istinadən İran və Omanın Hörmüz boğazında gəmilərin hərəkəti ilə bağlı 60 gün müddətində qüvvədə olacaq prosedur barədə razılığa gəldiyini bildirmişdi.

🖨 Çap et

17:57 07.08.2026

Oxunuş sayı: 50