Xarici xəbərlər

Rusiyanın böyük neft emalı kompleksləri hədəfə aldındı

Rusiyanın Başqırdıstan Respublikasının paytaxtı Ufada yerləşən "Başneft-Novoyl" neft emalı zavodunda Ukraynaya məxsus pilotsuz uçuş aparatlarının hücumundan sonra yanğın baş verdiyi bildirilir.

Crossmedia.az xəbər verir ki, "ASTRA" bu barədə məlumat yayıb.

Məlumata görə, "ASTRA"-nın mənbələri PUA hücumunun Ufanın Şimal Sənaye Zonasına həyata keçirildiyini bildiriblər. "OSINT" təhlilinə əsasən, zərbə nəticəsində "Başneft-Novoyl" müəssisəsində yanğın başlayıb.

Bildirilir ki, "Başneft" şirkəti həmin sənaye zonasında bir-birinə yaxın məsafədə yerləşən üç iri neft emalı zavodunu idarə edir. Bunlar "Başneft-Ufaneftexim", "Başneft-Novoyl" və "Başneft-UNPZ" müəssisələridir.

Bu zavodlar birlikdə Rusiyanın ən iri neft emalı mərkəzlərindən biri hesab olunan Ufa Neft Emalı Kompleksini təşkil edir. Kompleksin ümumi emal gücünün ildə 23,5 milyon ton xammal olduğu qeyd olunur.

Hadisə ilə bağlı Başqırdıstanın regional hakimiyyət orqanları hələlik rəsmi açıqlama verməyib.

🖨 Çap et

14:55 05.08.2026

Oxunuş sayı: 63