Alimlər özünü bərpa edə bilən canlı göbələk toxuması hazırlayıblar
Alimlər canlı göbələk əsasında zədələndikdən sonra özünü bərpa edə bilən yeni material hazırlayıblar. Yeni texnologiyanın gələcəkdə ekoloji geyim və qısaömürlü məhsulların istehsalında istifadə oluna biləcəyi bildirilir.
Crossmedia.az NEWS.am-a istinadən xəbər verir ki, Science jurnalında dərc olunan araşdırmada materialın Cordyceps militaris göbələyinin mitselisindən hazırlandığı qeyd olunur. Tədqiqatçılar əvvəlki işlərdən fərqli olaraq, materialın hazırlanması zamanı göbələyi canlı saxlamağa nail olublar.
Araşdırmaya əsasən, yeni material rəngini dəyişə, ultrabənövşəyi şüalardan qoruya və zədələndikdə su və təzə göbələk qranulları vasitəsilə özünü bərpa edə bilir. Bundan əlavə, material torpaqda cəmi 41 gün ərzində demək olar ki, tam parçalanır.
Alimlər bildirirlər ki, texnologiya hələ ilkin mərhələdədir və gündəlik istifadə, yuyulma və uzunmüddətli davamlılıq baxımından əlavə sınaqlara ehtiyac var. Bununla belə, gələcəkdə bu materialın ekoloji cəhətdən təmiz məhsulların hazırlanmasında mühüm rol oynaya biləcəyi vurğulanır.
01:30 06.08.2026
Oxunuş sayı: 47
