Tramp neft şirkətlərini yüksək gəlirlərə görə tənqid etdi
ABŞ Prezidenti Donald Tramp neft şirkətləri "Exxon Mobil" və "Chevron" şirkətlərini həddindən artıq yüksək gəlir əldə etməkdə ittiham edib. O bildirib ki, yanacaq bazarındakı çatışmazlıq fonunda şirkətlərin qazancı istehlakçılar üçün əlavə yük yaradır.
Crossmedia.az xəbər verir ki, "ТАSS" bu barədə "Reuters" agentliyinin yayımladığı videoyazıya istinadən məlumat yayıb.
Tramp qeyd edib ki, neft şirkətlərinin mövcud şəraitdən istifadə edərək həddindən artıq pul qazanmaları onu narahat edir.
"Onlar həddindən artıq çox qazanırlar. Çatışmazlıq səbəbindən çox böyük gəlirlər əldə edirlər. Bu, mənim xoşuma gəlmir", – deyə ABŞ Prezidenti bildirib.
Xatırladaq ki, iyun ayında Tramp ABŞ-da benzin qiymətlərinin gözlənilən səviyyədə aşağı düşməməsi ilə bağlı araşdırma aparılacağını açıqlamışdı. O bildirib ki, yoxlamalar "Exxon Mobil", "Chevron", "Shell" və "BP" şirkətlərini əhatə edə bilər.
ABŞ Prezidenti həmçinin neft şirkətlərinin süni qiymət artımına yol verdiyi müəyyən olunarsa, onların problemlərlə üzləşə biləcəyini vurğulamışdı.
12:47 04.08.2026
Oxunuş sayı: 55
