Xarici xəbərlər

Kobaxidze: Bayden dövründə Gürcüstanda nifrəti qızışdırırdılar

Gürcüstanın Baş naziri İrakli Kobaxidze bildirib ki, ABŞ-nin keçmiş prezidenti Co Baydenin administrasiyası dövründə ölkədəki ABŞ səfirliyi nifrətin qızışdırılması ilə məşğul olub.

Crossmedia.az bu barədə xarici mediaya istinadən xəbər verir.

Kobaxidze bu fikirləri ABŞ səfirliyinin Gürcüstan Daxili İşlər Nazirliyinin nifrət nitqi ilə mübarizə üzrə yeni departamentini tənqid etməsinə münasibət bildirərkən səsləndirib.

Baş nazirin sözlərinə görə, ABŞ-nin əvvəlki administrasiyası nifrətin süni şəkildə yayılmasına yönəlmiş prosesləri koordinasiya edib. Bu səbəbdən o, diplomatik nümayəndəliyin açıqlamasını anlaşılmaz adlandırıb.

Kobaxidze eyni zamanda Tbilisinin Vaşinqtonla münasibətlərin yaxşılaşacağına ümid etdiyini vurğulayıb.

Nifrət nitqi və böhtanla mübarizə departamenti Gürcüstan Daxili İşlər Nazirliyinin nəzdində iyunun 1-dən fəaliyyətə başlayıb. Departamentin əsas vəzifəsi nifrət nitqi əlamətləri daşıyan ictimai çıxışları və inzibati hüquq pozuntularını müəyyənləşdirməkdir.

🖨 Çap et

19:24 03.08.2026

Oxunuş sayı: 50