Podolyak: Zelenski Rusiya ilə müxtəlif atəşkəs variantları təklif edir
Ukrayna Prezidenti Volodimir Zelenski Rusiyaya bir neçə atəşkəs variantı təklif edib və Vladimir Putinlə birbaşa görüşə hazır olduğunu bildirib.
Crossmedia.az xəbər verir ki, bu barədə Ukrayna Prezidentinin müşaviri Mixaylo Podolyak açıqlama verib.
Podolyakın sözlərinə görə, Kiyev hava məkanında atəşkəs, enerji infrastrukturuna zərbələrin dayandırılması, həmçinin cəbhə xətti boyunca döyüş əməliyyatlarının dondurulması və danışıqlara başlanılması kimi müxtəlif variantlar irəli sürür.
Prezident müşaviri əlavə edib ki, Volodimir Zelenski Rusiya Prezidenti Vladimir Putinlə birbaşa görüş keçirməyə də hazırdır.
Rusiya tərəfi isə Podolyakın bu açıqlamaları ilə bağlı hələlik rəsmi mövqe bildirməyib.
17:36 03.08.2026
Oxunuş sayı: 48
