Zelenski Xarici Kəşfiyyat Xidmətinə rəhbər kimi onu təyin etdi
Ukrayna Prezidenti Volodimir Zelenski Milli Təhlükəsizlik və Müdafiə Şurasının (MTMŞ) katibi Rüstəm Umerovu Ukraynanın Xarici Kəşfiyyat Xidmətinin (XKX) rəhbəri təyin edib. MTMŞ-nin yeni katibi isə keçmiş daxili işlər naziri İqor Klimenko olub.
Crossmedia.az xəbər verir ki, bu barədə Ukrayna Prezidentinin rəsmi saytında dərc olunan fərmanlarda məlumat verilib.
Avqustun 3-ü tarixli fərmanlara əsasən, Volodimir Zelenski Rüstəm Umerovu Xarici Kəşfiyyat Xidmətinin rəhbəri, İqor Klimenkonu isə Milli Təhlükəsizlik və Müdafiə Şurasının katibi təyin edib.
Zelenski səhər keçirdiyi müşavirədə bildirmişdi ki, yeni vəzifəsində Umerov diplomatiya və müdafiə sahələrində paralel fəaliyyət göstərə, həmçinin ABŞ nümayəndələri və Ukraynanın digər tərəfdaşları ilə Rusiya-Ukrayna müharibəsinin başa çatdırılması istiqamətində aparılan danışıqlarda daha fəal iştirak edə biləcək.
Bu arada, Ukraynanın "Zerkalo nedeli" həftəlik nəşri yazıb ki, hakimiyyətdə aparılan son kadr dəyişiklikləri fonunda Prezidentə yaxın şəxslərdən biri hesab olunan Rüstəm Umerovun yüksək vəzifədə qalması məqsədilə onun Xarici Kəşfiyyat Xidmətinə rəhbər təyin edilməsi qərarı verilib. Nəşr bu məlumatı öz mənbələrinə istinadən yayıb.
17:13 03.08.2026
Oxunuş sayı: 49
