Pentaqon Ukraynaya dəstək qrupuna rəhbərlikdən imtina edir
ABŞ Müdafiə Nazirliyi (Pentaqon) Ukraynaya hərbi yardımın koordinasiyasında əsas rol oynayan Təhlükəsizlik Yardımı Qrupuna rəhbərlikdən imtina etməyə hazırlaşır.
Crossmedia.az xəbər verir ki, "Politico" bu barədə mənbələrə istinadən məlumat yayıb.
Məlumata görə, qrupun rəhbərliyi NATO üzvü olan ölkələrdən birinə veriləcək. Rəhbərliyin ötürülməsi prosesinin bir ilə qədər davam edəcəyi bildirilir.
Nəşrin həmsöhbətlərindən biri olan ukraynalı rəsmi bu addımın Ukrayna üçün mənfi cəhətlərdən daha çox üstünlüklər gətirəcəyini bildirib.
Bununla yanaşı, Kiyevdə narahatlıq var ki, qrupun NATO-nun mürəkkəb bürokratik strukturuna daxil edilməsi hərbi yardımın cəbhəyə çatdırılmasını ləngidə bilər.
Ukraynalı rəsmi vurğulayıb ki, ABŞ-nin peyk kəşfiyyatı, hədəf koordinasiyası və ağır hərbi-nəqliyyat təyyarələri ilə təmin etdiyi logistik imkanları heç bir ölkə tam şəkildə əvəz edə bilməz.
10:54 01.08.2026
Oxunuş sayı: 54
