Xarici xəbərlər

Dünyada ən çox satılan avtomobil markaları açıqlandı

2026-cı ilin ilk altı ayında dünyada ən çox avtomobil satan markaların siyahısı açıqlanıb.

Crossmedia.az xəbər verir ki, "Habertürk" bu barədə Almaniyanın Avtomobil İdarəetmə Mərkəzinin (CAM) araşdırmasına istinadən məlumat yayıb.

Araşdırmaya əsasən, dünyanın ən böyük 20 avtomobil istehsalçısının ümumi satışları ötən ilin eyni dövrü ilə müqayisədə 2,8 faiz azalaraq 37,3 milyon ədəd təşkil edib.

İlk altı ayın nəticələrinə görə, "Toyota" 5,3 milyon avtomobil satışı ilə birinci yerdə qərarlaşıb. İkinci yeri 3,97 milyon avtomobillə "Volkswagen", üçüncü yeri isə 3,6 milyon satışla "Hyundai-Kia" tutub.

İlk onluqda həmçinin "Stellantis" (2,95 milyon), "General Motors" (2,14 milyon), "Honda" (1,76 milyon), "Ford" (1,76 milyon), "Nissan" (1,51 milyon), "Suzuki" (1,49 milyon) və "Renault" (1,28 milyon) yer alıb.

İkinci onluqda isə "Geely" (1,18 milyon), "Chery" (1,16 milyon), "SAIC" (1,11 milyon), "BMW" (1,07 milyon), "Mercedes-Benz" (900 min), "Tesla" (890 min), "BYD" (790 min), "Changan" (670 min), "Great Wall Motor" (570 min) və "Mazda" (530 min) qərarlaşıb.

🖨 Çap et

16:51 31.07.2026

Oxunuş sayı: 61