ABŞ şirkətinin biznes təyyarəsi sürət rekordu vurdu
ABŞ-nin "Gulfstream Aerospace" korporasiyasına məxsus G700 biznes təyyarəsi Los-Anceles (ABŞ) – Farnboro (Böyük Britaniya) marşrutu üzrə yeni sürət rekordu müəyyənləşdirib.
Crossmedia.az xəbər verir ki, "Gulfstream Aerospace" bu barədə rəsmi saytında məlumat yayıb.
Məlumata görə, təyyarə 8 778 kilometrlik məsafəni 8 saat 27 dəqiqəyə qət edib. Bununla da G700, Kanadanın "Bombardier" şirkətinə məxsus Global 8000 təyyarəsinin bir neçə həftə əvvəl müəyyən etdiyi rekordu 19 dəqiqə yaxşılaşdırıb.
Qeyd olunur ki, Global 8000 texniki göstəricilərinə görə daha yüksək maksimal sürətə malik olsa da, real uçuşda G700 daha sürətli nəticə göstərib.
Mütəxəssislər bildirirlər ki, iri biznes-jet istehsalçıları arasında sürət rekordları uğrunda rəqabət getdikcə daha da güclənir və yaxın gələcəkdə yeni rekordların qeydə alınacağı istisna edilmir.
Bununla yanaşı, Qərbdə yeni nəsil səsdən sürətli sərnişin təyyarələrinin hazırlanması istiqamətində işlər davam edir. ABŞ Milli Aeronavtika və Kosmik Tədqiqatlar İdarəsinin (NASA) və "Lockheed Martin" şirkətinin hazırladığı X-59 QueSST eksperimental təyyarəsi yaxın vaxtlarda ilk dəfə səs səddini keçərək gələcəyin kommersiya aviasiyası üçün perspektivli texnologiyalar nümayiş etdirib.
16:43 31.07.2026
Oxunuş sayı: 67
