KİV: Rusiyanın neft emalı güclərinin təxminən yarısı sıradan çıxıb
Ukraynanın Rusiyadakı neft emalı zavodlarına endirdiyi zərbələr nəticəsində ölkənin neft emalı güclərinin əhəmiyyətli hissəsinin fəaliyyətinin pozulduğu bildirilir.
Crossmedia.az xəbər verir ki, "Financial Times" bu barədə məlumat yayıb.
Nəşrin yazdığına görə, Ukrayna hücumları Rusiyanın faktiki neft emalı güclərinin 30 faizdən çoxunu, nominal emal güclərinin isə 45 faizdən çoxunu sıradan çıxarıb. Bildirilir ki, təmir işləri ləng gedir və hücumların təsiri həftələr, hətta aylar sonra da hiss olunur.
"Financial Times" bu qiymətləndirməni "S&P Global Energy" məlumatlarına və Rusiyanın iri neft emalı zavodlarının peyk görüntülərinə əsaslandırır.
Məlumata görə, bir sıra müəssisələr hələ də tam fəaliyyətini bərpa etməyib. Kirişi, Tuapse, Samara və Sızran şəhərlərində yerləşən bəzi zavodların isə təhlil aparılan dövrdə ümumiyyətlə neft emal etmədiyi qeyd olunur.
15:42 30.07.2026
Oxunuş sayı: 36
