Baydenin gizli səs yazıları yayıldı: Obamanı belə tənqid edib
ABŞ-nin keçmiş prezidenti Co Baydenin ədəbi həmmüəllifi Mark Zvonitserlə söhbətlərinin audio yazıları bəzi danışıq zamanı onun qısamüddətli yaddaş pozuntuları yaşadığını göstərir.
Crossmedia.az xəbər verir ki, “Bloomberg” agentliyinin məlumatına görə, Bayden söhbətlərdə xarici siyasət məsələlərini ətraflı müzakirə edib, eyni zamanda keçmiş prezident Barak Obamanı açıq şəkildə tənqid edib.
Bayden 2017-ci ilin aprelində söhbətlərdən birində Obamanın administrasiyasının Çinə qarşı sanksiyalar tətbiq etmək istəməməsindən danışaraq bildirib ki, Obama həmişə düzgün qərar verirdi, amma bir gün gec və bir dollar az.
Bununla yanaşı, Bayden prezident olsaydı, daha sürətli hərəkət edə biləcəyinə əmin olmadığını deyib.
Agentliyin mənbələrinə görə, audio yazılar Baydenin memuarları üzərində iş çərçivəsində hazırlanıb. Söhbətlərin bəzi hissələrində onun müəyyən detallar və hadisələri xatırlamaqda çətinlik çəkdiyi bildirilir.
Bayden 2009-2017-ci illərdə Obama administrasiyasında vitse-prezident, 2021-ci ildə isə ABŞ-nin 46-cı prezidenti olub.
23:13 28.07.2026
Oxunuş sayı: 55
