Sosioloq: Ukraynalılar Polşadan gedə bilər, amma Ukraynaya qayıtmayacaq
Polşada ukraynalılara qarşı hücumların artması və qaçqınlara münasibətin pisləşməsi onların digər Avropa ölkələrinə köçünü sürətləndirə bilər.
Crossmedia.az xəbər verir ki, bu barədə sosioloq, “Reytinq” qrupunun rəhbəri Aleksey Antipoviç bildirib.
Onun sözlərinə görə, Ukraynaya qayıdış isə müharibə davam etdiyi müddətdə əksəriyyət üçün real görünmür.
Antipoviç qeyd edib ki, Polşada aparılan son sorğular ölkə vətəndaşlarının böyük hissəsinin yeni ukraynalı qaçqınların qəbuluna qarşı olduğunu göstərir. Sosioloqun fikrincə, bu nəticələr ukraynalılara münasibətdə ümumi mənfi tendensiyanın gücləndiyini və aqressiya hallarının artması üçün zəmin yarada biləcəyini göstərir.
O bildirib ki, ukraynalıların Polşadan digər Avropa ölkələrinə köç prosesi genişmiqyaslı müharibənin ilk illərindən davam edir. 2022–2023-cü illərdə Polşada təxminən 2 milyon ukraynalı qaçqın olsa da, sonradan onların böyük hissəsi Almaniya və digər Avropa İttifaqı ölkələrinə köçüb.
Sosioloqun fikrincə, Polşada artan mənfi ictimai münasibət fonunda bu tendensiyanın davam edəcəyi ehtimal olunur.
17:37 28.07.2026
Oxunuş sayı: 53
