Ukraynada milyonluq korrupsiya qalmaqalı – Keçmiş XİN rəsmisi hədəfdə
Ukraynanın Milli Korrupsiyaya Qarşı Mübarizə Bürosu ölkənin keçmiş xarici işlər üzrə dövlət katibi və onun köməkçilərinin 1,2 milyon dollar məbləğində beynəlxalq yardım vəsaitini mənimsəməkdə şübhəli bilindiyini açıqlayıb.
Crossmedia.az bu barədə xarici mediaya istinadən xəbər verir.
Rəsmi qurum ittiham olunan şəxslərin adlarını açıqlamayıb.
İstintaqın məlumatına görə, 2022-ci ildə beynəlxalq donorlar keçmiş dövlət katibinin xahişi ilə vəsaitləri onun nəzarətində olan təşkilatın hesabına köçürüblər. Daha sonra pulların bir neçə hüquqi şəxs və konvertasiya mərkəzi vasitəsilə çıxarıldığı iddia olunur.
Büro məsələ ilə bağlı araşdırmanın davam etdiyini bildirib.
23:30 27.07.2026
Oxunuş sayı: 185
