Papuaşvili: Kiçik ölkələr üçün Aİ-dən kənar qalmaq sərfəli ola bilər
Gürcüstan parlamentinin sədri Şalva Papuaşvili bəzi kiçik dövlətlər üçün Avropa İttifaqından kənarda qalmağın daha sərfəli ola biləcəyini bildirib.
Crossmedia.az xəbər verir ki, bu barədə Gürcüstan mediası məlumat yayıb.
Papuaşvilinin sözlərinə görə, belə ölkələr müstəqil qərarlar qəbul etmək imkanını daha yaxşı qoruya bilər.
"Ən azı bu ölkələr müstəqil qərarlar qəbul etməkdə sərbəst olacaqlar. Getdikcə daha aydın görünür ki, bu gün mövcud olan Aİ-yə yeni üzvlərin qəbul edilməsi nəzərdə tutulmur. Namizəd ölkələrə bərabərhüquqlu üzvlük deyil, onların hüquq və təsir imkanlarının məhdudlaşdırıldığı dəyişdirilmiş sistem təklif olunur", – deyə parlament sədri bildirib.
O əlavə edib ki, dövlətin bəzi suveren hüquqlarından məhrum edildiyi, lakin həmin hüquqların qorunması üçün effektiv mexanizmlərin təqdim olunmadığı Aİ üzvlüyünü tam inteqrasiya hesab etmək olmaz.
14:42 27.07.2026
Oxunuş sayı: 52
