“Böyük Qayıdış” çərçivəsində 6561 sakin tibbi müayinədən keçirilib
İşğaldan azad edilmiş ərazilərə “Böyük Qayıdış” layihəsi çərçivəsində köçən sakinlərin tibbi müayinələri davam edir.
Crossmedia.az xəbər verir ki, TƏBİB-in İcraçı direktoru Vüqar Qurbanov qurumun 2024-cü ilin yekunlarına və 2025-ci ilin planlarına dair mətbuat konfransında bildirib ki, Qaçqınların və Məcburi Köçkünlərin İşləri üzrə Dövlət Komitəsinin təqdim etdiyi siyahıya uyğun olaraq 2022-2024-cü illər ərzində ümumilikdə 6561 sakin tibbi müayinədən keçirilib.
“Cari ilin yanvar ayından bu günədək 819 ailənin, yəni 3100 sakinin tibbi müayinəsi həyata keçirilib,” – deyə Vüqar Qurbanov əlavə edib.
Tibbi müayinələrin məqsədi işğaldan azad edilmiş ərazilərə köçən vətəndaşların sağlamlığının qorunması, onların müalicə və profilaktikaya olan ehtiyaclarının müəyyən edilməsi və vaxtında təmin olunmasıdır.
“Böyük Qayıdış” layihəsi çərçivəsində həyata keçirilən bu tədbirlər bölgələrdə tibbi xidmətlərin əlçatanlığını artırmaq və sakinlərin rifahını təmin etmək üçün əhəmiyyətli rol oynayır.
Nihat Tahirov
08:46 23.12.2024
Oxunuş sayı: 18065
