Məleykə Abbaszadə "Yüksəliş" müqabiqəsinin qalibləri ilə görüşüb
Dövlət İmtahan Mərkəzinin İdarə Heyətinin sədri Məleykə Abbaszadə üçüncü “Yüksəliş” müsabiqəsinin mentorluq proqramı çərçivəsində müsabiqə qalibləri Şamxal Cəmilzadə və Səkinə Vəliyeva ilə görüş keçirib.
Crossmedia.az xəbər verir ki, M.Abbaszadə mentilərə Dövlət İmtahan Mərkəzinin fəaliyyəti ilə bağlı qarşıda duran məsələlər və hədəfləri barədə məlumat verib. Sədr qaliblərin Fərdi İnikşaf Planının yekunu ilə maraqlanıb və onların suallarını cavablandırıb. Mentorluq proqramının başa çatmasına baxmayaraq, qaliblərin Dövlət İmtahan Mərkəzinin fəaliyyət istiqamətlərinə uyğun müəyyən layihələrə cəlb edilməsi qərara alınıb.
"Yüksəliş" müsabiqəsi Azərbaycan Respublikasının Prezidenti cənab İlham Əliyevin 26 iyul 2019-cu il tarixli Sərəncamı ilə təsis edilib. Müsabiqənin qalibləri mentorlar tərəfindən birillik fərdi inkişaf planı ilə təmin olunur və 20 min manatlıq mükafat qazanırlar.
Dördüncü “Yüksəliş” müsabiqəsinin keçirilməsi barədə Azərbaycan Respublikasının Prezidenti cənab İlham Əliyev 25 dekabr 2023-cü il tarixində müvafiq Sərəncam imzalayıb.
14:56 21.12.2024
Oxunuş sayı: 4243
