Ali təhsil müəssisələrinə qəbul imtahanlarında dəyişiklik yoxdur - AÇIQLAMA
Dövlət İmtahan Mərkəzi (DİM) ali təhsil müəssisələrinə qəbul imtahanlarının keçirilməsi ilə bağlı mövcud qaydaların dəyişməyəcəyini açıqlayıb.
Mərkəzin mətbuat katibi Xanlar Xanlarzadə Crossmedia.az-a verdiyi müsahibədə bununla bağlı ətraflı məlumat verib.
Xanlar Xanlarzadənin sözlərinə görə, ali təhsil müəssisələrinə qəbul imtahanlarının formatında hər hansı yenilik planlaşdırılmır. “Ötən il tətbiq edilən qaydalar bu il də qüvvədədir. İmtahan proqramları artıq tədris ilinin əvvəlində Dövlət İmtahan Mərkəzinin rəsmi saytında yerləşdirilib. Abituriyentlər həmin proqramlarla tanış olaraq hazırlaşa bilərlər,” - deyə o bildirib.
Mətbuat katibi əlavə edib ki, imtahanların ötən ilin tarixlərinə uyğun vaxtda keçirilməsi nəzərdə tutulur. “Dövlət İmtahan Mərkəzi gələn ilin əvvəlində bütün imtahanların keçirilmə qrafikini elan edəcək. Abituriyentlər bu qrafik əsasında hazırlıqlarını davam etdirə bilərlər,” - deyə Xanlar Xanlarzadə vurğulayıb.
Qeyd edək ki, IX sinif buraxılış imtahanları istisna olmaqla, digər imtahan qaydalarında hər hansı dəyişiklik edilməyib.
Nihat Tahirov
11:42 20.12.2024
Oxunuş sayı: 18142
