Xarici xəbərlər

MBDA Ukraynanın uzaqmənzilli raket layihəsinə qoşuldu

Avropanın raket istehsalı üzrə aparıcı şirkətlərindən biri olan MBDA Ukraynanın “Luch” konstruktor bürosu ilə əməkdaşlığı genişləndirir.

Crossmedia.az bu barədə xarici mediaya istinadən xəbər verir.

Tərəflər uzaqmənzilli zərbə sistemlərinin hazırlanması sahəsində anlaşma memorandumu imzalayıblar. Razılaşmaya əsasən, MBDA Ukraynanın Neptun-2 adlı qanadlı raket layihəsinin inkişafına texniki dəstək göstərəcək.

Şirkət Avropada müxtəlif uzaqmənzilli raket sistemlərinin istehsalı ilə tanınır. Bunlara Almaniyanın Ukraynaya verməkdən imtina etdiyi “Taurus” raketləri, həmçinin Fransa və Böyük Britaniyanın Ukraynaya təqdim etdiyi Storm Shadow / SCALP raketləri daxildir.

Yeni əməkdaşlığın Ukraynanın müdafiə sənayesində uzaqmənzilli silahların inkişafını sürətləndirməsi gözlənilir.

🖨 Çap et

21:55 17.06.2026

Oxunuş sayı: 49