Ukrayna Qərb lisenziyaları ilə uzaqmənzilli raketlər istehsal edəcək
Ukrayna Qərb ölkələrinin lisenziyası əsasında uzaqmənzilli raketlər və hava hücumundan müdafiə (HHM) sistemləri istehsal etməyə hazırlaşır.
Crossmedia.az bu barədə Fransanın "Le Parisien" qəzetinə əsasən xəbər verir.
Fransada keçirilən G7 sammiti çərçivəsində verilən məlumata görə, layihə təkcə müdafiə xarakterli HHM sistemlərinin qurulmasını əhatə etmir: Biz lisenziya əsasında təkcə hava hücumundan müdafiə sistemləri deyil, həm də cəbhə xəttindən çox-çox uzaqdakı hədəfləri vurmaq üçün vasitələr, yəni uzaqmənzilli raketlər istehsal edəcəyik.
Qeyd olunur ki, Böyük Yeddilik ölkələri Ukraynaya hərbi istehsalı genişləndirmək üçün lazımi lisenziyaları təqdim etməyə hazır olduqlarını rəsmən təsdiqləyiblər. Almaniya kansleri Fridrix Merts isə jurnalistlərə açıqlamasında ABŞ şirkətlərinin bu məqsədlə Avropa və Ukrayna istehsalçılarına birbaşa lisenziya verə biləcəyini vurğulayıb.
18:28 17.06.2026
Oxunuş sayı: 53
