Xarici xəbərlər

İran və Rusiya xarici işlər nazirləri ABŞ ilə əldə olunan anlaşmanı müzakirə ediblər

İranın xarici işlər naziri Abbas Əraqçı ilə Rusiyanın xarici işlər naziri Sergey Lavrov arasında telefon danışığı baş tutub.

Crossmedia.az bu barədə xarici mediaya istinadən xəbər verir.

Məlumata görə, Abbas Əraqçı söhbət zamanı İran və ABŞ arasında əldə olunmuş anlaşma memorandumunun əsas müddəaları barədə məlumat verib. İranlı nazir sənədin icrasına görə ABŞ-nin məsuliyyət daşıdığını vurğulayıb.

Danışıq zamanı Əraqçı həmçinin Livan ərazisində hərbi əməliyyatların və ölkəyə qarşı hücumların tamamilə dayandırılmasının vacibliyini qeyd edib.

Sergey Lavrov isə memorandumun tamamlanmasını müsbət qiymətləndirərək, Rusiyanın onun həyata keçirilməsinə dəstək verməyə hazır olduğunu bildirib.

Telefon danışığında tərəflər İran-Rusiya münasibətlərinin gündəmində olan digər məsələləri də müzakirə edib, ikitərəfli əməkdaşlığın davam etdirilməsi və mövcud problemlərin həlli istiqamətində məsləhətləşmələrin sürdürülməsi barədə razılığa gəliblər.

🖨 Çap et

17:24 17.06.2026

Oxunuş sayı: 47