Xarici xəbərlər

Voloşin: Rusiya işğal altındakı Xersonda Qəzzadakı HƏMAS kimi yeraltı mövqelər qurub

Ukraynanın cənub istiqaməti cəbhənin ən gərgin bölgələrindən biri olaraq qalır. İşğal altındakı Xerson vilayətində Rusiya qüvvələri Qəzza zolağında HƏMAS-ın istifadə etdiyi tunel sistemlərinə bənzər şəkildə onlarla kilometr uzunluğunda yeraltı müdafiə mövqeləri yaradıb.

Crossmedia.az xəbər verir ki, bu barədə Ukrayna Cənub Müdafiə Qüvvələrinin sözçüsü, polkovnik Vladislav Voloşin UNIAN agentliyinə müsahibəsində məlumat verib.

Onun sözlərinə görə, Rusiya ordusu Zaporojye və Dnepr istiqamətlərində irəliləmək niyyətindən əl çəkməyib. Lakin Ukrayna Müdafiə Qüvvələri işğal altındakı cənub bölgələrində və Krımda rus ordusunun logistikasına qarşı pilotsuz uçuş aparatları ilə həyata keçirdiyi uğurlu zərbələrlə bu planları çətinləşdirir.

Voloşin bildirib ki, son dövrlərdə Ukrayna qüvvələrinin rus qoşunlarının əsas təchizat marşrutlarına endirdiyi zərbələr işğalçı qüvvələrin təminat imkanlarına ciddi təsir göstərib. O, həmçinin Rusiya tərəfinin cənubdakı hərbi birləşmələrini təmin etmək üçün gördüyü tədbirlər və bölgədəki əməliyyat vəziyyəti barədə ətraflı məlumat verib.

🖨 Çap et

11:46 17.06.2026

Oxunuş sayı: 56