Zelenski: Tramp Ukraynaya anti-ballistik raket istehsalı üzrə lisenziya məsələsinə müsbət yanaşıb
Ukrayna Prezidenti Volodimir Zelenski bildirib ki, ABŞ lideri Donald Tramp Ukraynada anti-ballistik raketlərin istehsalı üçün lisenziyaların verilməsi ilə bağlı tələbi müsbət qarşılayıb.
Crossmedia.az bu barədə xarici mediaya istinadən xəbər verir.
Zelenskinin sözlərinə görə, artıq hər iki ölkənin müvafiq komandaları bu istiqamətdə praktiki iş aparır və texniki detalların razılaşdırılması mərhələsi başlayıb.
Ukrayna lideri həmçinin qeyd edib ki, Kiyev Kanada ilə birgə dron istehsalı imkanlarını da nəzərdən keçirir. Onun sözlərinə görə, tərəflər bu sahədə sənaye əməkdaşlığını genişləndirmək potensialına malikdir.
Bundan əlavə, Ukrayna və tərəfdaş ölkələr enerji sektorunda əməkdaşlığın dərinləşdirilməsi məsələlərini də gündəmdə saxlayır.
22:13 16.06.2026
Oxunuş sayı: 46
