Bolqarıstan Ukraynaya silah göndərilməsini dayandırır
Bolqarıstan Ukraynaya dövlət hərbi ehtiyatlarından silah tədarükünü dayandıracaq.
Crossmedia.az xəbər verir ki, bu barədə ölkənin baş naziri Rumen Radev açıqlama verib. O bildirib ki, Bolqarıstan indiyədək Ukraynaya kifayət qədər hərbi yardım göstərib və münaqişə ölkəyə sosial-iqtisadi baxımdan mənfi təsir göstərir.
Baş nazirin sözlərinə görə, münaqişənin hərbi yolla həlli mümkün deyil və davamlı sülh yalnız diplomatik danışıqlar vasitəsilə əldə oluna bilər.
Qeyd olunub ki, ölkənin özəl müdafiə sənayesi Kiyev üçün sursat istehsalını və tədarükünü davam etdirəcək. Lakin dövlətə məxsus hərbi anbarlardan Ukraynaya rəsmi silah göndərişləri tamamilə dayandırılacaq.
Bu qərarın 2026-cı ilin mayında keçirilən seçkilərdən sonra formalaşan yeni hökumətin mövqeyini əks etdirdiyi bildirilir. Bolqarıstanın müdafiə naziri də bu yanaşmanı dəstəkləyərək əlavə silah tədarükünün insan itkilərini artırdığını və tərəflərin sülh danışıqlarına başlamasının vacibliyini vurğulayıb.
Bununla belə, qərar ölkə daxilində birmənalı qarşılanmayıb. Müxalif siyasətçilər hesab edirlər ki, Ukraynaya hərbi yardımın dayandırılması Bolqarıstanın NATO və Avropa İttifaqındakı tərəfdaşları arasında etibarlılığına mənfi təsir göstərə bilər.
02:29 17.06.2026
Oxunuş sayı: 46
