Ramik Quliyev: Elektron sənədləşmə və idarəetmənin tətbiqi sahəsində mühüm addımlar atılacaq
Azərbaycan Respublikası Səhiyyə Nazirliyinin Səhiyyə siyasəti şöbəsinin müdiri Ramik Quliyev, “Səhiyyə İdarəçiləri Zirvəsi 2024” çərçivəsində keçirilən paneldə çıxışı zamanı, elektron sənədləşmə və idarəetmə sistemlərinin tətbiqi istiqamətində görülən işlərdən danışıb.
Crossmedia.az xəbər verir ki, Ramik Quliyev qeyd edib ki, müasir dövrdə rəqəmsallaşma proseslərinə uyğunlaşma vacibdir və bu istiqamətdə mühüm layihələr həyata keçirilir. O, xüsusilə elektron əmək müqavilələrinin tətbiqi, tibbi qeydiyyat və sənədləşmə proseslərinin elektronlaşdırılması ilə bağlı hazırlanan planların yaxın zamanda reallaşdırılacağını bildirib.
Həmçinin, o, qeyd edib ki, 2020-ci ildə təsdiq edilmiş tibbi fəaliyyətlərin akkreditasiyası üzrə mərkəz artıq fəaliyyətə başlayıb. Mərkəzin əsas məqsədi səhiyyə qanunvericiliyinin təkmilləşdirilməsi, tibbi xidmətlərin keyfiyyətinin artırılması və pasiyent məmnuniyyətinin təmin olunmasıdır.
Ramik Quliyev vurğulayıb ki, bu islahatlar çərçivəsində həm maliyyə, həm də hüquqi tədbirlər həyata keçiriləcək və 2024-cü ildə bu sahədə daha böyük nəticələr əldə olunacaq.
Nihat Tahirov
07:03 18.12.2024
Oxunuş sayı: 28605
