Bakıda “Səhiyyə İdarəçiləri Zirvəsi 2024” başlayıb
TƏBİB-in təşkilatçılığı ilə “Səhiyyə İdarəçiləri Zirvəsi 2024” tədbiri başlayıb.
Crossmedia.az xəbər verir ki, “Yeniliklər zamanıdır” şüarı altında keçirilən tədbir iki paneldən ibarətdir və səhiyyə sistemində yeniliklərin müzakirəsinə həsr olunub.
Zirvədə İcbari Tibbi Sığorta üzrə Dövlət Agentliyinin sədri Zaur Əliyev, TƏBİB-in İcraçı direktoru Vüqar Qurbanov, səhiyyə nazirinin müavini Nadir Zeynalov, iqtisadiyyat nazirinin birinci müavini Elnur Əliyev və Azərbaycan Turizm Agentliyinin Aparat rəhbəri Kənan Qasımov iştirak edirlər.
Tədbir çərçivəsində səhiyyə xidmətlərinin səmərəli təşkili, kadrların idarə olunması, səhiyyədə informasiya texnologiyalarının tətbiqi və dövlət-özəl tibb müəssisələri arasında əməkdaşlığın inkişafı kimi mövzular müzakirə edilir. Zirvə keyfiyyətli tibbi yardımın təşkili üçün innovativ yanaşmaların öyrənilməsi və tətbiqi istiqamətində fikir mübadiləsi üçün mühüm platformadır.
Maral Şahverdili
Nihat Tahirov
06:02 18.12.2024
Oxunuş sayı: 9062
