“Səhiyyə İdarəçiləri Zirvəsi 2024”-ün ilk paneli bu mövzuda olacaq
“Yeniliklər zamanıdır” konsept mesajı ilə təşkil olunacaq tədbirin ilk panelində müzakirə olunacaq mövzular resursların effektiv idarəedilməsi, səhiyyədə maliyyələşmə mexanizmləri, eləcə də rəqəmsallaşma və innovasiyaya ilə bağlı olacaq.
Crossmedia.az xəbər verir ki, Yeni Klinikanın iqtisadi işlər üzrə direktor müavini Ravil Tağıyevin moderatorluğu ilə keçiriləcək I paneldə spikerlər TƏBİB-in İcraçı direktorunun müavini Araz Nəsirov, “Rəqəmsal Tibbi Həllər” MMC-nin direktoru Ramil Mehdiyev, İcbari Tibbi Sığorta üzrə Dövlət Agentliyinin Strateji inkişaf və iqtisadi təhlil departamentinin rəhbəri Ramil Muxtarzadə, Qarabağ Universitetinin Tibb proqramlarının direktoru Samir Babayev, Mərkəzi Neftçilər Xəstəxanasının direktoru Musa Abbasov olacaqlar.
Qeyd edək ki, 18 dekabr 2024-cü il tarixində baş tutacaq tədbirin əsas məqsədi ölkəmizdə səhiyyə sistemi və xidmətlərinin effektiv təşkil edilməsi, kadrların idarə olunması, səhiyyədə informasiya texnologiyalarının tətbiqi və effektiv istifadəsi, keyfiyyətli tibbi yardımın göstərilməsi, dövlət və özəl tibb müəssisələri arasında işgüzar əlaqələrin və kommunikasiyanın daha da inkişaf etdirilməsinə və möhkəmləndirilməsinə xidmət edən platforma rolunu oynamaqdır.
05:39 18.12.2024
Oxunuş sayı: 5072
