İcbari tibbi sığortaya il ərzində müraciətlərin statistikası açıqlanıb
İcbari tibbi sığortaya il ərzində müraciətlərin statistikası açıqlanıb.
Dövlət tibb müəssisələrinə icbari tibbi sığorta çərçivəsində müraciətlərin sayı 3.8 milyonu, özəl tibb müəssisələrinə müraciət isə 208 mini keçib.
Crossmedia.az xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev qurumun 2024-cü ilin yekunları ilə bağlı keçirdiyi mətbuat konfransında deyib.
Zaur Əliyev bildirib ki, sığorta haqqı ödəyən şəxslərin təxminən yarısı tibbi xidmətlərdən yararlanaraq sığortanın təmin etdiyi imkanlardan istifadə edib: “2024-cü ilin 10 ayında sığorta haqqı ödəyənlərin sayı 2 milyon 237 min nəfərə çatıb ki, bu da iqtisadi fəal əhalinin 42 faizini təşkil edir. Yaş qrupları üzrə xidmətlərdə ən çox xərc 65 yaşdan yuxarı sığorta haqqı ödəyən əhali arasında qeydə alınıb. Sığorta haqqı ödəyən və xidmətdən yararlanan pasiyentlər üçün dövlət tibb müəssisələrinə 175.7 milyon manat, özəl tibb müəssisələrinə isə 60.3 milyon manat vəsait ödənilib”.
08:17 17.12.2024
Oxunuş sayı: 5339
