Fövqəladə Hallar Nazirliyi işçilərinin peşə bayramıdır
Hər il dekabrın 16-sı Azərbaycanda Fövqəladə Hallar Nazirliyinin (FHN) əməkdaşlarının peşə bayramı kimi qeyd olunur. Bu gün, fədakar və cəsur insanların – xilasedicilərin, yanğınsöndürənlərin, mühəndislərin və digər peşə sahiblərinin əməyinə verilən dəyərin simvoludur.
FHN əməkdaşları yalnız təbii fəlakətlər zamanı deyil, həmçinin sənaye qəzaları, yanğınlar, daşqınlar və digər fövqəladə hadisələr zamanı hər an təhlükə qarşısında dayanırlar. Onların əsas missiyası insan həyatını, əmlakı və ətraf mühiti qorumaqdır. Bu ağır və məsuliyyətli işdə hər bir əməkdaş cəsarət və peşəkarlıq nümayiş etdirir.
1993-2003 cü illər arasında Ümummilli Lider Heydər Əliyev Azərbaycanın müstəqilliyini möhkəmləndirmək və ölkəni hərtərəfli inkişaf etdirmək məqsədilə təbii və texnogen fəlakətlərin qarşısının alınması, insan həyatının qorunması istiqamətində mühüm qərarlar qəbul etmişdir. Onun rəhbərliyi ilə mülki müdafiə sisteminin təkmilləşdirilməsi və fövqəladə hallar üzrə dövlət siyasətinin formalaşması prosesi başlamışdır.
Azərbaycan Respublikasının Prezidenti İlham Əliyevin rəhbərliyi ilə FHN tam şəkildə fəaliyyəti başlamış və bu fəaliyyət daha da genişləndirilmiş, qurum ən müasir texnologiyalarla təchiz edilmişdir. Bu gün Nazirlik dünya standartlarına uyğun şəkildə fəaliyyət göstərərək, insanlara yardım etməyə və fəlakətlərin qarşısını almağa hazır olan güclü bir struktura çevrilib.
Peşə bayramı günündə hər bir FHN əməkdaşını təbrik edir, onlara uğurlar, sağlamlıq və təhlükəsiz xidmət arzu edirik. Onların fədakar əməyinə hər zaman ehtiyac var, çünki onların qəhrəmanlığı sayəsində minlərlə həyat xilas olunur və ölkəmiz təhlükəsizliyini qoruyur.
Ayhan Ağarzayev
10:13 16.12.2024
Oxunuş sayı: 6658
