Azərbaycan parataekvondoçusu İmaməddin Xəlilov gümüş medal qazanıb
Azərbaycan parataekvondoçusu İmaməddin Xəlilov Almaniyanın Münhen şəhərində keçirilən Avropa çempionatında gümüş medal qazanıb.
Crossmedia.az xəbər verir ki, Milli Paralimpiya Komitəsindən verilən məlumata görə, təmsilçimiz K44 kateqoriyası üzrə 70 kq çəki dərəcəsində fəxri kürsünün ikinci pilləsinə qalxıb.
O, həlledici qarşılaşmada türkiyəli Yusuf Yünaçtıya məğlub olub. Bu, qitə birinciliyində İ.Xəlilovun ikinci gümüş medalı kimi tarixə düşüb.
Qeyd edək ki, daha əvvəl parataekvondoçu Sabir Zeynalov (58 kq) yarışda gümüş medala sahib çıxıb.
21:25 13.05.2026
Oxunuş sayı: 71