Bakıda ilk qar sevinci
Bu səhər Bakı sakinləri ilin ilk qarını qarşılayıb. Səhərin erkən saatlarında paytaxtın müxtəlif yerlərinə yağan qar şəhərə xüsusi bir gözəllik bəxş edib. Mərkəzi prospektlərdən tutmuş ətraf qəsəbələrə qədər şəhərin ayrı-ayrı ərazilərində qar müşahidə olunur.
Dekabr ayının əvvəllərində nadir rast gəlinən qarın yağması şəhər sakinləri üçün gözlənilməz olub. İnsanlar qarın yaratdığı gözəl mənzərələri izləyərək telefonları ilə şəkillər çəkir, xoş anlarını sevdikləri ilə paylaşıblar. Uşaqlar isə park və meydanlarda qar topu oynayaraq əyləncəli vaxt keçiriblər. Mövsümün ilk qarı uşaqları sevindirsə də, böyüklərdə hava şəraiti və nəqliyyatın çətinliyi ilə bağlı narahatlıq yaradıb.
Şəhərin bir çox yerində bəzədilmiş şam ağacları qarla birlikdə daha fərqli bir görünüş alıb. Bu, Yeni ilin yaxınlaşdığını xatırladaraq paytaxtda qış ab-havasını daha da gücləndirib.
Adətən sıxlıq və hərəkətlilik müşahidə olunan paytaxt küçələri bu səhər daha sakit idi. Təmiz hava və ağ örtüklü mənzərə isə şəhərə xüsusi bir sükut gətirib.
Bakıya yağan qar paytaxt sakinlərinə yaddaqalan bir səhər yaşadıb və qış mövsümünün başlanğıcını qeyd etmələrinə səbəb olub.
Aytac Bəhruzqızı
Sevinc Abuşova
10:41 14.12.2024
Oxunuş sayı: 10681
