Məşhur aktyor həyat yoldaşından ayrılıb: "Öz işimi görmədim"
"Krepostnaya", "Pervye Lastoçki" və "Bir cütlük müstəntiq" teleseriallarındakı rolları ilə tanınan məşhur ukraynalı aktyor və teleaparıcı Konstantin Oktyabrski on illik evliliyindən sonra həyat yoldaşından ayrılıb.
Crossmedia.az UNIAN-a istinadən xəbər verir ki, bu barədə o, özü bildirib.
Aktyor ayrılıqda həyat yoldaşı Samiranı günahlandırıb.
"Daha bir böhranın öhdəsindən gələ bilmədik. Deyəsən, kişi kimi öz işimi görmədim. Onun layiq olduğu hissləri, hörməti, sevgini yaşamadım", - deyə Konstantin Oktyabrski Alina Dorotyukla müsahibəsində bildirib.
O, həyat yoldaşı ilə 10 ildən bir az çox əvvəl evləndiyini, iki uşaq böyütdüyünü və artıq bir dəfə boşandığını, amma bir daha şans verməyə qərar verdiyini və bir müddət sonra yenidən evləndiyini izah etdi.
"Münasibətlərimizi yenidən qurmaq, öz üzərimizdə işləmək və bir daha cəhd etmək qərarına gəldik", - deyə Konstantin Oktyabrski bildirib.
Mədəniyyət nümayəndəsi evliliklərində heç bir xəyanət olmadığını vurğulayıb: "Mən ona çox borcluyam; o, inanılmaz bir qadındır. O, çox yaxşı bir anadır. O, müdrik və ağıllıdır. Mən karyeramı qurarkən o, uşaqlarla birlikdə ev təmiri ilə məşğul idi. Buna görə də mən ona çox hörmət edirəm və buna görə ona minnətdaram", - deyə aktyor bildirib.
07:08 30.04.2026
Oxunuş sayı: 51
