Gündəm,Hadisə,Telekommunikasiya və nəqliyyat
Bakı metrosundakı problemin səbəbi AÇIQLANDI
"Bu gün günorta saatlarında Bakı metropoliteninin stansiyalarında qeydə alınan hadisə qısaqapanma nəticəsində baş verib".
Crossmedia.az xəbər verir ki, bunu bu gün jurnalistlərə açıqlamasında qurumun mətbuat xidmətinin rəhbəri Bəxtiyar Məmmədov deyib.
O bildirib ki, Bakı Metropoliteninin Elektrik Stansiyasından metro stansiyalarına gələn gərginlik xəttində qısaqapanma yaranıb və nəticədə stansiyalara elektrik enerjisinin verilişi dayanıb:
"Hadisə zamanı xətdə 30 qatar olsa da, onlardan cəmi 4-ü tuneldə olub. Digər qatarlar platformalarda olub. Tunellərdə qalan qatarlar platformalara çıxarılıb və sərnişinlər təhlükəsiz şəraitdə stansiyalardan çıxarılıblar. Hadisə saat 12:10-da baş verib. 15-20 dəqiqə ərzində sərnişinlər təhlükəsiz şəraitdə stansiyalardan çıxarılıb. Saat 14:02-də metro stansiyalarına gərginliyin verilməsi bərpa olunub. Qatarların hərəkəti təmin olunandan sonra saat 15:00-da metronun fəaliyyəti tam bərpa olunub". (Oxu.az)
17:15 21.04.2026
Oxunuş sayı: 413
