ABŞ Hörmüz boğazını dronlarla minalardan təmizləyir
ABŞ ordusu Hörmüz boğazında gəmilərin təhlükəsiz hərəkətini təmin etmək üçün müasir texnologiyalardan istifadə etməyə başlayıb.
Bu barədə crossmedia.az "The Wall Street Journal" (WSJ) qəzetinə istinadən xəbər verir.
Məlumata görə, ABŞ hərbçiləri boğazdakı minaların aşkarlanması və zərərsizləşdirilməsi üçün suüstü və sualtı pilotsuz aparatlardan (dronlardan) istifadə edir.
Qəzet qeyd edir ki, dronlar vasitəsilə minaların yeri müəyyən edildikdən sonra, onların məhv edilməsi prosesinə də xüsusi pilotsuz aparatlar cəlb oluna bilər. Bu addım regionda gərginliyin artdığı və Hörmüz boğazının minalanması təhlükəsinin yarandığı bir vaxtda strateji su yolunun naviqasiya üçün açıq qalmasına xidmət edir. Ekspertlərin fikrincə, pilotsuz texnologiyaların tətbiqi insan resurslarını riskə atmadan ərazini daha qısa müddətdə təmizləməyə imkan verir. Hazırda ABŞ-ın bu əməliyyatları bölgədəki hərbi mövcudluğunu daha da gücləndirdiyinin göstəricisi kimi qiymətləndirilir.
22:42 19.04.2026
Oxunuş sayı: 373
