“Aztelekom” MMC-də “Şəhərsalma və Memarlıq İli” çərçivəsində tədbir keçirilib
“Aztelekom” MMC-də “Şəhərsalma və Memarlıq İli” çərçivəsində tədbir keçirilib
YAP Yasamal rayon təşkilatı və Tbilisi pr.187 (“Aztelekom” MMC) ünvanı üzrə ərazi partiya təşkilatı ilə birgə “Şəhərsalma və Memarlıq İli” çərçivəsində tədbir keçirilib.
Tədbirdə YAP Yasamal rayon təşkilatının sədri Bəxtiyar Nəbiyev, “Aztelekom” MMC-nin baş direktor vəzifəsini müvəqqəti icra edən Həsən Ömərov, Tbilisi pr.187 (“Aztelekom” MMC) ünvanı üzrə ərazi partiya təşkilatının sədri Elnur Allahverdiyev və ərazi üzrə partiya təşkilatının üzvləri iştirak edib.
Tədbirin rəsmi hissəsindən öncə Ümummilli Lider Heydər Əliyevin büstü ziyarət olunaraq önünə tər güllər düzülüb. Ulu Öndərin əziz xatirəsi dərin ehtiramla yad edilib.
Tədbirdə ilk öncə müasir, müstəqil Azərbaycan dövlətinin banisi Ümummilli Lider Heydər Əliyevin, Azərbaycan Respublikasının suverenliyi və ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib. Sonra Azərbaycan Respublikasının Dövlət Himni səsləndirilib.
İştirakçıları salamlayaraq tədbiri açıq elan edən ““Aztelekom” MMC-nin baş direktor vəzifəsini müvəqqəti icra edən Həsən Ömərov bildirib ki, Şəhərsalma və Memarlıq İli Azərbaycanın inkişaf tarixində mühüm mərhələ kimi xüsusi əhəmiyyət kəsb edir. Bu il ölkəmizdə müasir urbanizasiya proseslərinin daha sistemli və məqsədyönlü şəkildə həyata keçirilməsinə güclü təkan verir. Şəhərlərin planlı inkişafı, infrastrukturun yenilənməsi və estetik memarlıq ənənələrinin qorunması bu siyasətin əsas istiqamətlərindəndir. Ulu Öndər Heydər Əliyev tərəfindən əsası qoyulan dövlətçilik strategiyasında şəhərsalma məsələləri hər zaman prioritet olub. Onun rəhbərliyi dövründə Bakı və digər şəhərlərin siması dəyişmiş, müasir memarlıq üslubu ilə milli dəyərlər uzlaşdırılmışdır. Bu siyasət bu gün Prezident İlham Əliyev tərəfindən uğurla davam etdirilir və daha geniş miqyas alır. Xüsusilə paytaxt və regionlarda həyata keçirilən infrastruktur layihələri ölkənin ümumi inkişafına mühüm töhfə verir. Şəhərsalma və Memarlıq İli çərçivəsində həyata keçirilən layihələr həm iqtisadi, həm də sosial baxımdan böyük əhəmiyyət daşıyır. Bu prosesdə müasir texnologiyaların tətbiqi və innovativ yanaşmalar diqqət mərkəzindədir. Azad olunmuş doğma Qarabağda aparılan genişmiqyaslı quruculuq işləri bu siyasətin ən parlaq nümunəsidir. Qarabağda “ağıllı şəhər”, “ağıllı kənd” konsepsiyası əsasında yenidən qurularaq regionun inkişafına yeni nəfəs verir. Beləliklə, bu il Azərbaycanın davamlı inkişaf strategiyasında mühüm yer tutaraq gələcək nəsillər üçün möhkəm təməl yaradır.
Tədbirdə çıxış edən YAP Yasamal rayon təşkilatının sədri Bəxtiyar Nəbiyev qeyd edib ki, Şəhərsalma və Memarlıq İli ölkəmizdə milli-mədəni irsin qorunması ilə müasir inkişafın vəhdətini təmin edən mühüm təşəbbüsdür. Bu il çərçivəsində həyata keçirilən tədbirlər şəhərlərin yalnız fiziki deyil, həm də sosial-mədəni mühitinin zənginləşdirilməsinə xidmət edir. Müasir memarlıq nümunələrinin yaradılması ilə yanaşı, tarixi abidələrin bərpası da diqqət mərkəzində saxlanılır. Ulu Öndər Heydər Əliyev memarlıq irsinin qorunmasını dövlət siyasətinin ayrılmaz hissəsi kimi müəyyən etmişdir. Ümummilli Liderin uzaqgörən siyasəti nəticəsində həm sovet, həm də müstəqillik illərində milli memarlıq ənənələrinin qorunması, şəhərsalma siyasətinin formalaşdırılması və müasir urbanizasiya proseslərinin inkişaf etdirilməsi dövlət siyasətinin prioritetlərindən olmuşdur. Prezident İlham Əliyev isə bu siyasəti müasir çağırışlara uyğun şəkildə davam etdirərək şəhərsalma sahəsində böyük uğurlar əldə etmişdir. Paytaxt Bakının və regionların siması sürətlə yenilənir və dünya standartlarına uyğunlaşdırılır. Şəhərsalma və Memarlıq İli bu proseslərin daha intensiv və sistemli şəkildə aparılmasına şərait yaradır. Xüsusilə azad olunmuş Qarabağ ərazilərində aparılan yenidənqurma işləri milli qürur mənbəyinə çevrilmişdir. Dağıdılmış şəhər və kəndlər qısa müddətdə müasir yaşayış məkanlarına çevrilir. Bu ərazilərdə həyata keçirilən layihələr Azərbaycanın iqtisadi gücünü və siyasi iradəsini nümayiş etdirir. Nəticə etibarilə, Şəhərsalma və Memarlıq İli ölkəmizin davamlı inkişafının və milli dirçəlişinin rəmzi kimi tarixə düşür.
Çıxış edən Tbilisi pr.187 (“Aztelekom” MMC) ünvanı üzrə ərazi partiya təşkilatının sədri Elnur Allahverdiyev bildirib ki, Şəhərsalma və Memarlıq İli Azərbaycanın davamlı inkişaf strategiyasında xüsusi yer tutur. Bu təşəbbüs şəhərlərin müasir tələblərə uyğun qurulmasını və milli memarlıq ənənələrinin qorunmasını təmin edir. Ulu Öndər Heydər Əliyev tərəfindən müəyyən edilən inkişaf xətti bu gün də uğurla davam etdirilir. Prezident İlham Əliyev rəhbərliyi ilə ölkəmizdə genişmiqyaslı quruculuq və abadlıq işləri həyata keçirilir. Xüsusilə azad olunmuş Qarabağda aparılan yenidənqurma prosesi bu siyasətin ən bariz nümunəsidir. Beləliklə, bu il Azərbaycanın gələcək inkişafına xidmət edən mühüm mərhələ kimi böyük əhəmiyyət daşıyır.
Sonra fəxri fərmanlar təqdim edilib, xatirə şəkli çəkdirilib.
12:35 16.04.2026
Oxunuş sayı: 93
