ABŞ-da İranla bağlı narahatlıq artır – sorğu nəticələri
“YouGov” və “CBS” tərəfindən keçirilən sorğuya əsasən, amerikalıların böyük əksəriyyəti ABŞ-İran gərginliyindən ciddi narahatdır.
Crossmedia.az bu barədə xarici mediaya istinadən xəbər verir.
Sorğunun nəticələrinə görə, respondentlərin təxminən 70%-i mövcud vəziyyətdən narahat olduğunu bildirib. Onların 68%-i açıq şəkildə narahatlıq hiss etdiyini qeyd edib.
Bununla yanaşı, iştirakçıların 57%-i vəziyyətlə bağlı stress keçirdiyini, 54%-i isə qəzəb hissi yaşadığını ifadə edib.
Araşdırma həmçinin göstərir ki, respondentlərin 59%-i İranla mümkün münaqişənin ABŞ üçün mənfi istiqamətdə inkişaf etdiyini düşünür.
Ekspertlər bildirir ki, bu cür ictimai rəy ABŞ cəmiyyətində artan gərginliyin və narahatlığın göstəricisi hesab olunur.
09:36 13.04.2026
Oxunuş sayı: 54
