Pakistanlı rəsmi: İran danışıqlarda “hücum diplomatiyası” aparırdı
Pakistanlı rəsmi şəxs açıqlamasında İran və ABŞ nümayəndələri arasında keçirilən danışıqların gedişatı ilə bağlı diqqətçəkən məqamları bölüşüb.
Crossmedia.az xəbər verir ki, o bu barədə "Reuters" agentliyinə açıqlama verib.
Onun sözlərinə görə, İran nümayəndə heyəti danışıqlarda gözlənildiyinin əksinə olaraq daha çox hücum edən tərəf kimi çıxış edib və güzəştə getmək niyyəti nümayiş etdirməyib. Rəsmi bildirib ki, İran tərəfi danışıqlar zamanı təzyiq göstərir, müdafiə mövqeyində qalmaqdan yayınmağa çalışırdı.
Açıqlamada qeyd olunub ki, İran nümayəndələri ABŞ tərəfinə, xüsusilə də J.D. Vensə psixoloji təzyiq göstərməyə çalışıb. Bildirilir ki, bəzi məqamlarda Vensin davranışları belə təəccüb doğurub.
Mənbənin sözlərinə görə, İran tərəfi danışıqlarda özünü üstün mövqedə apararaq sanki qalib tərəf kimi davranıb, ABŞ nümayəndələrinin isə zəif vəziyyətdə olduğunu göstərməyə çalışıb. Bununla yanaşı, onlar səsləndirilən fikirləri diqqətlə dinləyərək alternativ təkliflər irəli sürüblər.
Pakistanlı rəsmi əlavə edib ki, İranın sərgilədiyi bu “hücum diplomatiyası” ABŞ tərəfinin sonradan daha sərt mövqe tutmasına səbəb olub.
18:52 12.04.2026
Oxunuş sayı: 59
