Xarici xəbərlər

İranın nüvə proqramı danışıqlar fonunda toxunulmaz qalır

İranın İran nüvə proqramının böyük hissəsinin toxunulmaz qaldığı və bunun hazırda aparılan danışıqların gedişinə təsir göstərdiyi bildirilir.

Crossmedia.az xarici KİV-ə istinadən xəbər verir ki, həftələrlə davam edən hərbi gərginliyə baxmayaraq, Tehran zənginləşdirilmiş uran ehtiyatlarını və əsas nüvə komponentlərini qoruyub saxlaya bilib. Bu vəziyyətin İranın danışıqlardakı mövqeyini gücləndirdiyi və ABŞ üzərində təsir imkanlarını artırdığı qeyd olunur.

Eyni zamanda, ABŞ və İsrail tərəfindən həyata keçirilən zərbələr nəticəsində bir sıra laboratoriya və tədqiqat mərkəzlərinin sıradan çıxarıldığı bildirilir. Xüsusilə uran konsentratı istehsal edən müəssisələrdən birinin məhv edilməsi proqram üçün zərbə kimi qiymətləndirilir.

Ən diqqətçəkən məqamlardan biri isə təxminən 450 kiloqram silah səviyyəsinə yaxın zənginləşdirilmiş uran ehtiyatının mövcudluğudur. Bildirilir ki, bu ehtiyatın bir hissəsi İsfahan yaxınlığındakı nüvə obyektinin altında yerləşən dərin tunellərdə saxlanılır.

Bundan əlavə, Nətənz yaxınlığında, Pikaks dağı ətrafında inşa edilmiş möhkəmləndirilmiş tunel kompleksinin də mövcud olduğu qeyd edilir.

🖨 Çap et

16:37 12.04.2026

Oxunuş sayı: 48