Ukrayna Baş Kəşfiyyat İdarəsinin nümayəndəsi Rusiyanın verdiyi vədi yerinə yetirmədiyini bildirib
Pasxa bayramı ərəfəsində Ukrayna və Rusiya arasında genişmiqyaslı hərbi əsir mübadiləsi həyata keçirilib. Lakin Kiyev daha çox sayda insanı qaytarmağı planlaşdırsa da, Rusiya bunu etməkdən imtina edib.
Crossmedia.az xəbər verir ki, "RBC-Ukrayna"-nın məlumatına görə, bunu jurnalistlərlə söhbəti zamanı Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov bildirib.
O qeyd edib ki, imtinaya baxmayaraq, Kiyev əsir mübadiləsinin Pasxadan sonra da davam edəcəyinə ümid edir.
"Təəssüf ki, düşmən bir çox başqa şeylər kimi, hazır olduğumuz Ukraynanın bu humanitar təşəbbüslərini də rədd etdi. Lakin iş davam edir. Ehtiyatla deyə bilərik ki, əməliyyat davam etdiriləcək və deyə bilərik ki, bu gün yalnız Pasxa mübadiləsinin başlanğıcı olub", - Yusov deyib.
20:01 11.04.2026
Oxunuş sayı: 60
