Xarici xəbərlər

İran–ABŞ danışıqları barədə xəbərlər TƏKZİB EDİLDİ

İranın xarici işlər naziri Abbas Əraqçi və İran parlament sədri Məhəmməd Bağır Qalibafın rəhbərlik etdiyi nümayəndə heyətinin Pakistanın vasitəçiliyi ilə ABŞ ilə danışıqlar aparmaq üçün İslamabada səfər etdiyi iddia olunub.

Crossmedia.az xəbər verir ki, bu barədə "The Wall Street Journal” qəzeti məlumat yayıb.

Lakin İran tərəfi bu məlumatı qəti şəkildə təkzib edib. SEPAH-a yaxın "Tasnim" xəbər agentliyi rəsmi mənbələrə istinadən bildirib ki, İran nümayəndə heyətinin Pakistana getməsi və orada ABŞ ilə danışıqlar aparması barədə yayılan xəbərlər tamamilə əsassızdır.

Eyni zamanda, Məhəmməd Bağır Qalibafa yaxınlığı ilə tanınan siyasi şərhçi Səid Acorlu da həm Abbas Əraqçi, həm də Məhəmməd Bağır Qalibafın Pakistana uçması ilə bağlı iddiaları rədd edib.

Mənbələrin bildirdiyinə görə, danışıqlar prosesi ABŞ-nin Livanda atəşkəs öhdəliklərini yerinə yetirməsi və İsrailin hücumlarının dayandırılması şərti ilə müvəqqəti olaraq dayandırılıb.

🖨 Çap et

13:47 10.04.2026

Oxunuş sayı: 183