Tramp Orbanı dəstəklədi, seçiciləri səs verməyə çağırdı
ABŞ Prezidenti Donald Tramp Macarıstanda seçki prosesi ilə bağlı açıqlama verərək seçiciləri Viktor Orban və onun partiyasını dəstəkləməyə çağırıb.
Crossmedia.az bu barədə xarici mediaya istinadən xəbər verir.
Tramp Orbanı “güclü və qüdrətli lider” adlandıraraq onun ölkəsi və xalqı üçün “yorulmadan mübarizə apardığını” bildirib. O, həmçinin Orbanın Macarıstanda iqtisadiyyatın inkişafı, iş yerlərinin artırılması, ticarətin genişləndirilməsi və qanunsuz miqrasiyanın qarşısının alınması istiqamətində gördüyü işləri vurğulayıb.
Bəyanatda qeyd olunub ki, Trampın administrasiyası dövründə ABŞ-Macarıstan münasibətləri daha da güclənib və əməkdaşlıq “yeni zirvələrə” çatıb.
Tramp sonda seçicilərə müraciət edərək: “Macarıstan: çıxın və Viktor Orbana səs verin. O, mənim tam və qeyd-şərtsiz dəstəyimə malikdir”, – deyə bildirib.
12:05 10.04.2026
Oxunuş sayı: 49
