Xarici xəbərlər

Ermənistan əhalini sərhədə köçürür: Bu ərazilər qaytarılacaq

Ermənistanda azşaylı uşağı olan ailələrə sərhəd kəndlərində mənzil əldə etmək imkanları yaradılıb.

Crossmedia.az Publika.az-a istinadən xəbər verir ki, bu barədə Ermənistanın Əmək və Sosial Məsələlər Nazirliyinin müşaviri Qyane Karagezyan deyib.

Karagezyan bildirib ki, bununla bağlı dövlət proqramı icra edilir: “Proqramda iştirak etmək üçün kənddə tikinti icazəsi, layihə planı və smeta ilə birlikdə torpaq sahəsinə sahib olmaq lazımdır”.

Erməni rəsmi qeyd edib ki, sərhəd kəndlərində əhali sayının artırılması istiqamətində işləyirlər.

“Əsasən məktəblərdə boş yer sayının 50 faizdən çox olduğu kəndlərə üstünlük verilir. Bu yerlərin ən azı 20 faizi doldurulmalıdır. Əsas tələblərə əlavə olaraq, bir şərt də var: proqramda iştirak etmək istəyənlərin ən azı 10 yaşdan kiçik bir uşağı olmalıdır. Bununla yanaşı, İrəvanda daşınmaz əmlakı olmamalıdır. Bu, hökumət tərəfindən tikilən əmlakın bağ evinə çevrilməsi riskinə qarşıdır. Proqramda iştirak etmək istəyənlərə sərhəd kəndlərində yaşamaları üçün bütün dəstək veriləcək. Lakin bura Tavuş bölgəsinin 4 sərhəd kəndi daxil deyil: Bağanis, Berkaber, Voskaper və Kirants”, - o bildirib.

Bu kəndlərin istisna edilməsi Azərbaycanla sərhədin delimitasiyası prosesindən qaynaqlanır. Sərhədin müəyyənləşməsi prosesində Qazaxın anklav olan kəndlərinin qaytarılacağı gözlənilir.

🖨 Çap et

09:05 07.04.2026

Oxunuş sayı: 219