Sosium

Akademik zirvədə yeni mərhələ: ADU-nun qlobal mövqeyi təsdiqləndi

Ali təhsil müəssisələrinin fəaliyyətini qlobal miqyasda qiymətləndirən nüfuzlu “Quacquarelli Symonds” (QS) agentliyi 2026-cı il üçün sahələr üzrə dünya universitetlərinin reytinqini (QS World University Rankings by Subject 2026) açıqladı. Qürurverici haldır ki, universitetimiz bu ilki siyahıda öz mövqeyini daha da möhkəmləndirərək, beynəlxalq təhsil xəritəsində mühüm bir uğura imza atmışdır.

Bu uğur təkcə bir statistika deyil, universitetimizin illərdir apardığı məqsədyönlü islahatların, elmi-tədqiqat potensialının artırılmasının və təhsilin keyfiyyətinin beynəlxalq standartlara uyğunlaşdırılmasının məntiqi nəticəsidir. Çox fərəhləndirici haldır ki, bu nailiyyətdə Azərbaycan Dillər Universitetinin də xüsusi rolu var. Universitimiz, rektor akademik Kamal Abdullanın rəhbərliyi ilə, aparılan uğurlu elmi tədqiqat işlərinin nəticələrinə görə dünyanın qabaqcıl ali təhsil müəssisələri sırasında yer alıb. Azərbaycan Dillər Universtetinin bu uğurunu həm də onun beynalxalq arenada artan akademik nüfuzunun göstəricisi saymaq olar.

Reytinqin müəyyən edilməsində əsas götürülən akademik nüfuz, işəgötürənlər arasındakı reputasiya, istinadların sayı və H-indeksi kimi mühüm göstəricilər üzrə əldə olunan yüksək ballar Azərbaycan Dillər Universitetinin rektoru,akademik Kamal Abdullanın,kollektivimizin əzmkar fəaliyyətinin göstəricisidir.

Universitetimizin xüsusilə strateji sahələrdə müasir texnologiyalar üzrə dünya reytinqlərində irəliləməsi Azərbaycan təhsilinin qlobal rəqabətədavamlılığını bir daha sübut etdi. Beynəlxalq tədqiqat şəbəkəsinin genişləndirilməsi və nüfuzlu elmi jurnallarda dərc olunan məqalələrimiz bu yüksəlişin əsas hərəkətverici qüvvəsi olmuşdur.

İnanırıq ki, qazandığımız bu mövqe bizi gələcək illərdə daha yüksək zirvələrə daşıyacaq, Azərbaycanın intellektual potensialını dünya miqyasında layiqincə tanıdacaqdır.

Bu uğur isə heç də təsadüfü deyil. Uzun illərdir Azərbaycanda elm və təhsilə dövlət səviyyəsində ciddi diqqət göstərilir, elmi tədqiqat işlərinə böyük maliyyə vəsaitit ayırılır, gənc alimllərin fəalliyətinə geniş meydan verilir. Son illərdə isə elm və təhsilə dövlət dəstəyi daha da artıb. Bunun nəticəsidir ki, elm və təhsillə bağlı beynəlxalq reytinq siyahılarında Azərbaycan universitetləri də yer alır. Ölkəmizin göstəriciləri ildən-ilə yaxşılaşır.

Bu tarixi nailiyyət münasibətilə universitetin rektoru akademikKamal Abdullanı , professor-müəllim heyətini, tədqiqatçıları və əziz tələbələrimizi ürəkdən təbrik edirik! Hər bir əməkdaşımızın bu zəfərdə payı və əməyi əvəzsizdir.

“Bu uğur bizim üçün son deyil, yeni və daha böyük hədəflərin başlanğıcıdır. Məqsədimiz universitetimizi dünyanın ən qabaqcıl elm və təhsil mərkəzlərindən birinə çevirməkdir.”

Azərbaycan Dillər Universitetinin Psixologiya və Pedagogika kafedrasının müdiri,

dos.Məmmədli İranə Məhəmməd qızı

🖨 Çap et

17:30 06.04.2026

Oxunuş sayı: 57