Xarici xəbərlər

İsrail İranın neft-kimya obyektlərinə zərbələr endirib

İsrail ordusu İran ərazisində yerləşən əsas neft-kimya obyektlərinə hava zərbələri endirib.

Crossmedia.az xarici mediaya istinadən xəbər verir ki, bu barədə İsrailin müdafiə naziri İsrael Katz məlumat verib.

Nazirin sözlərinə görə, hücumlar nəticəsində İranın neft-kimya ixracatının təxminən 85 faizini təmin edən iki böyük zavod tamamilə sıradan çıxarılıb. O bildirib ki, əməliyyat İran iqtisadiyyatına milyardlarla dollar həcmində zərər vurub.

İsrael Katz əlavə edib ki, İsrail rəhbərliyi, o cümlədən baş nazir, orduya İranın milli infrastrukturuna qarşı yüksək intensivlikli əməliyyatları davam etdirmək barədə tapşırıq verib.

Digər tərəfdən, İran mənbələri ölkənin cənubunda yerləşən Şiraz şəhərində müdafiə sənayesi obyektinə və elektrik stansiyasına da zərbələr endirildiyini bildirir.

Hadisə ilə bağlı rəsmi Tehran hələlik geniş açıqlama verməyib.

🖨 Çap et

17:33 06.04.2026

Oxunuş sayı: 43