Subasma niyə baş verir? - ekspertdən vacib xəbərdarlıq
Son günlər Bakı şəhərində müşahidə olunan aramsız və intensiv yağıntılar paytaxtın bir sıra ərazilərində ciddi fəsadlara səbəb olub.
Davamlı yağışlar nəticəsində bəzi yaşayış evlərində subasma halları qeydə alınır, zirzəmilər və həyətlər su ilə dolur, həmçinin mənzillərin tavanlarında nəm və sızma problemləri yaranır.
Bu vəziyyət xüsusilə köhnə tikililərdə və drenaj sistemi zəif olan ərazilərdə daha qabarıq şəkildə özünü göstərir.
Mövcud meteoroloji şərait şəhər infrastrukturunun dayanıqlılığını yenidən gündəmə gətirməklə yanaşı, vətəndaşların gündəlik həyatına da təsirsiz ötüşmür.
Ekspertlər belə halların qarşısının alınması üçün yağış sularının effektiv idarə olunması, kanalizasiya və drenaj sistemlərinin müasir tələblərə uyğun şəkildə yenilənməsinin vacibliyini vurğulayırlar.
Eyni zamanda, sakinlərə fərdi yaşayış sahələrində qabaqlayıcı tədbirlər görmək tövsiyə olunur ki, mümkün zərərlər minimuma endirilsin.
Məsələ barədə ev tikintilərində izolyasiya üzrə ekspert, İş Adamları Cəmiyyəti Milli Assosasiyasının İdarə Heyətinin üzvü Natiq Aydayev Crossmedia.az-a danışıb:
"Bu yağışlar zamanı evləri müxtəlif cür subasma hallarının əsas səbəbi düzgün hidroizolyasiya sisteminin qurulmamasıdır. Tikililərin zirzəmiləri və damarında düzgün drenaj sistemi qurulmazsa bu cür hallar qaçınılmazdır. Buna görə də hidroizolyasiya və drenaj sistemi düzgün qurulmalıdır ki, bu cür hal yaşanmasın".
Elmir Heydərli
15:10 28.03.2026
Oxunuş sayı: 207
