İran- Azərbaycan sərhədində tam təhlükəsizlik təmin edilib
İran-Azərbaycan sərhədində vəziyyəti tam sabitdir.
Crossmedia.az xəbər verir ki, bunu Ərdəbil əyalətinin Sərhəd Qoşunlarının komandanı, general Seyid Şahin İsmaili “Tasnim News” agentliyinə müsahibəsində bildirib.
O qeyd edib ki, 357 kilometrlik sərhəd boyunca hər hansı bir addım və gərginlik müşahidə olunmur.
İsmaili əlavə edib ki, sərhədlər təhlükəsizliyi məsuliyyətlə və davamlı monitorinq aparılaraq qorunur.
General, habelə, vurğulayıb ki, Azərbaycanla ortaq sərhəd boyunca hər iki tərəf sərhədlərə nəzarət edir və hər hansı pozuntuya yol vermir.
"Biz İran və Azərbaycan Respublikası arasındakı ortaq sərhəddə xarici müdaxilənin təhlükəsizliyi pozmasına imkan verməyəcəyik. Sərhədlərin qorunması və təhlükəsizliyin təmin edilməsi davamlı olaraq həyata keçirilir”, - deyə, İsmaili vurğulayıb.
20:06 11.03.2026
Oxunuş sayı: 45
