TİKA başqanının Bakıda bir sıra ikitərəfli görüşləri olub
Türk Əməkdaşlıq və Koordinasiya Agentliyinin (TİKA) başqanı Serkan Kayaların Bakıda bir sıra ikitərəfli görüşləri olub.
Crossmedia.az xəbər verir ki, proqram çərçivəsində Kayalar əvvəlcə Türkiyənin Bakıdakı səfiri Cahit Bağçı ilə bir araya gəlib.
Görüşün ardınca Serkan Kayalar səfirlə bərabər hökumət evini ziyarət edib. O, burada mədəniyyət naziri Adil Kərimli ilə görüşüb. Görüş zamanı TİKA-nın Azərbaycanda həyata keçirdiyi layihələrlə yeni işbirliyi imkanları məsələsi müzakirə edilib.
TİKA sədri ölkəmizdə ziyarətdə olduğu müddətdə Azərbaycan Respublikasının Beynəlxalq İnkişafa Yardım Agentliyinin (AİDA) rəisi Elməddin Mehdiyev və Kiçik və Orta Biznesin İnkişafı Agentliyinin sədri Orxan Məmmədovla ayrı-ayrılıqda görüşüb. Hər iki görüşdə də Türk dünyasında qurumlarası işbirliyinin inkişafına yönəlik atıla biləcək addımlar ələ alınıb.
Serkan Kayalar Azərbaycan ziyarətinin ikinci günündə TİKA layihələrinin açılışlarını həyata keçirmək üçün Gəncə şəhərinə gəlib. O, burada Türkiyənin Gəncədəki Baş konsulu Rəcəb Öztopla görüşüb.
TİKA-nın Bakı Koordinasiya Ofisini ziyarət edən Kayalar qurumun Bakıdakı koordinatoru Hayrettin Özçelikdən ofisin fəaliyyətləri ilə bağlı məlumat alıb. Ziyarətin sonunda ofis işçiləri ilə xatirə şəkli çəkdirilib.
13:10 07.12.2024
Oxunuş sayı: 10953
